ODURDAILEGED 1

“SUNSOGEDGI BE BENDAILESAD”

Juan 5:24; Juan 3:16

Gebe sailagi ue odurdagoed gardagine anmar binsaoe igi be sunsogedgi be bendailesa. Be uisguegala igi be sunsogedgi bendailesa, inmar soiba be imagergebe: Bab Dummad igar messisamba be bendailegergebe agi Bab Dummadgi ulubgi bensulid niguergebe.

Sogguengi, Gusmalad 20:21, Narmaggarmai igi Bab Dummad igar mesisanba be bendailegergebe. Uemar be damalad na bemar oguamarye Bab Dummad asabin, agi Dummad Jesucristogi bensulid be niggumarye.

Be damalad na bemar oguamarye Bab Dummad asabin soilebali, be nue mai be itoge isguedgi be gudi, agi be isgued Bab Dummad begi banguega imasa. Soilebali, be sogergebe be isgued Bab Dummadga agi egisbalo be isgued osuloye. Soilebali be belabelad be guagegi be isgued be indaibie agi be daed be oguabie.

Deginiguale uegi be binsasdibe mai be itosnade gei be uargued be san burba isgudid be nudage. Uargued na dugin gei be daed be nudage. Be daed be nudaibidibe, dule uargued be bendagergebe, ue dule nabir oyoergebe gangued niye isguedgi.

Dule uargued ue nabnegi unnila oyosdo gangued niye isguedgi ue Jesucristodo. Ue dulebi nued garmaidigusa nabnegi, uilub daileged burbagi obicha agi bela Bab Dummad igar sogedba gudigusa. Uebi imaisasuli, E san burba suilidigidgine anmar isgued abingasa agi nagrusgine anmar ular burguenaigusa. Burguisgua diglesa. Deginiguale ibabagegi durgunonigi. Uegine oyosa  bur gangued nigye isguedgine. Anmar bensulid nigdibe ar Jesucristo gudigusye, burguisye agi durgusye anmar ular, agi anmar guagegine abingasdibe anmar Dummadye anmar san burba bendagega eba daegala, egi ulubgi bensulid nigusdibe. Anmar guagegine dogoe, anmar isgued osulogoe, agi anmar daed nudagodo.

Soibogi; belabelad be uisguegala sunsogedgi be bendailesad, be ulubgi bensulid Bab Dummadgi nigued iniguale sunsogedgi bendailegega bur bule inmar e san burbagi itogedgi bensulid nigudamala. Jesucristo be abingasgua be Dummabyob agi be bendagoedyob, ar be san burbagine inmar nuegana be itosargebe, inmar yob weligualed, agi burba boguad be san burbagine. Deobirgebe ar bendaileged bela san burbagi itolege, ar anmar dule sogua ar san burbar dula gudi. Deginiguale be ebinsaergebe be inmar nuegan yer itoged begi guaidedae. basusrsunna be guagegi guage. agi be uggiar weliguar itosulile agi be burba boguad itosurbalile gebe sailayobi. ¿we soilege bar Bab Dummad bebo gudisurye? Suli guenad, Be sunsogedgi bendailesad be inmar nuegangi itogedgi sisuli. Bad Dummadgi unnila sii. ar egidbi ulubgi bensulid be nigguergebe.

Ulubgi bensulid Bab Dummmadgi nigguleged soilege E gangued Ulubgi be bendusid be bendagoe. 2 Timoteogi 1:12 Pablo soisad: “An nue uisi doagi an ulubgi bensulid niggusa, agi an nue uisbali e ganguednugi an  san burba sabogoe e ibagad daged moesse”. Be, Pabloyobi, be san burba Cristogi be sabosmoga. Be ulubgi bensulid niggusad be be san burba ega ugsagua. Agi, Pabloyobi be nabir bensulidgi e gangued nugi be sabolegoe e ibagad daged moesse.

Juan 10:27-30 gine Bad Massi soisagusa egi ulubgi bensulid niggusmalad e sordamarye. Agi soisabali: “An sordamar an gaya burba mag itomala, agi mag an daimala, agi amba damala, agi a margala an uge burba gei bergued; agi bar burguosurmala, dule gege an argangine obannomala. An Bad Dummad anga uigsad, bur Dule dummadi, agi Dulemar gege obannogmala an Bab Dummad e angargi.” Eye guenad, be bendailesad sunsogedi. Garda Judas 24 gine anmar absodo ar Bab Dummad gangued  nue nigga ar anmar bendagegala mer noegala egi, agi anmar burba suilidigid imagoe anmar sedegala Bad Dummadsse weligualedgine”.

Ulubgi bensulid Bad Dummadgi nigguleged soilebali Ulubgi nigguoe inmar soisad Bad Dummad imaggoe. Igi soinai Hebreos 10:23: “E igargi mer be babguo, mer egi be noo, egi be ulugi bensulid niguchogua, ar Bad Dummad dule sunsoged inmar bega soisad imaggoe.” ¿Ibu, ar Bad Dummad bega soisasunad imagoye?

Juan 3:16 Bad Dummad anmargala soisagusa anmar burba gei bergued niggusye ulubgi bensulid nigusgua egi. Mateo 28:20 gine soinai: “Agi an bemarbo gudioe bane bane, ue nabneg berguesse.” Juan 5:24 anmarga soinai: “Inniggimagar, inniggimarga begarma an soge: dule an gaya burba itogele agi ulubgi bensulid niggusale an barmisadgi, burba gei bergued nigguoe; agi bar nia neise nao suli, bar burgosuli ar dula sadeguoe”.

¿Ar Dummad Jesucristo be yardaggo be insa? Suli, gege be yardagge. Ulubgi bensulid egi niggue, ar bega inmar soisad imaggoe. Ar be ulubgi bensulid niggusa agi bega burba gei bergued uisa. Ar ulubgi bensulid be egi niggusad, bato be burgosuli ar burba gei bergued be nigga, agi bar be nia negse naosuli bibisaguar. Bad Dumad egaya burba soinadgi be ulubgi siye.

Guenad.  Be abeledo ulubgi bensulid nigguedgi be bendaileged. Bitiggine ue odurdaileged garda be odurdasanna gadinye ibiyobi be bendailesa ulubgi bensulidgine, agi emisgi be nabir egi wergudi garmaidi guega. Deginiguale unnila ue odurdailesuli. Baid odurdaleged nigabali Bad Dummad abege be durdaged be emimmiga gusad nuggi. Baid ibagine be odurdailegoe emisgi Cristo begi gudi.